Republikanët në SHBA e nominojnë kryetarin aktual, Donald Trump për një mandat të dytë

Republikanët në SHBA e nominojnë kryetarin aktual, Donald Trump edhe për një mandat të dytë

Partia Republikane në Shtetet e Bashkuara ka nominuar zyrtarisht kryetarin aktual, Donald Trump për një mandat të dytë si kryetar, në natën e parë të konventës së kësaj partie. Nominimi i tij nuk ka qenë befasi, pas fjalimeve lavdëruese që kanë bërë republikanët në Konventën Kombëtare në Karolinën Veriore. “Këtë javë ne do të prezantojmë argumentet tona para popullit amerikan”, ka thënë nënpresidenti amerikan, Mike Pence, duke premtuar për “ta bërë Amerikën të mrekullueshme sërish”. Ai  po ashtu është nominuar për herë të dytë për pozitën që ka aktualisht. Konventa katërditore, që do të organizohet kryesisht në mënyrë virtuale për shkak të pandemisë me koronavirus, do të finalizohet me pranimin zyrtar të nominimit nga ana Trumpit për zgjedhjet e 3 nëntorit. Ai do të përballet me kandidatin e demokratëve për president, Joe Biden.

Kontrolloni gjithashtu

Edita Tahiri: Qeveria e re duhet të udhëhiqet nga opozita për të dalë nga kriza

Ish-zëvendëskryeministrja e Kosovës, Edita Tahiri, ka reaguar pas dështimit të dytë për konstituimin e Kuvendit, …