leoni

Komuna e Vitisë së shpejti nis me dezinsketimin kundër mushkonjave

27/08/2020 Institucionet

Komiteti Komunal për Mbrojtje dhe Shpëtim në komunën e Vitisë, në takimin e rregullt të mbajtur sot, ka vlerësuar gjendjen aktuale të pandemisë në komunën e Vitisë. Kryetari i komunës Sokol Haliti, ka theksuar se është shpresëdhënëse rënia e numrit të infektuarve në komunën e Vitisë, që është indikacion për rritje të numrit të të shëruarve dhe rënie të atyre që po infektohen me Covid 19. Ai ka falënderuar stafin mjekësor dhe udhëheqjen e QKMF-së në Viti për punën që po bënë, për ti dal në ndihmë pacientëve që po përballen me virusin corona. Nga ana tjetër, kryetari Haliti ka kërkuar nga Drejtoria për Shërbime Publike dhe Emergjencë që të fillohet me dezinsektimin e ambienteve në qytet dhe fshatra, për shkak të rrezikut nga numri i madh i mushkonjave. Kjo është edhe kërkesë e qytetarëve dhe është nevojë urgjente që të fillohet me dezinsektimin, ka thënë Haliti. Ndërkaq komandanti i stacionit të policisë në Viti, kapiten Afrim Halili, ka njoftuar se policia ka filluar me gjoba për ata qytetar që nuk respektojnë masat e ndërmarra për mbrojtje nga Covid 19. Sipas kapitenit Halili, janë afër 1.300 fletëparaqitje që i janë dërguar inspekcionit, ndërkaq ka bërë të ditur se zbatimi i masave nga qytetarët, momentalisht është i kënaqshëm dhe në nivel.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara