Komuna e Hanit të Elezit shënon 29 Gushtin Ditën e Dëshmorëve të Hanit të Elezit

30/08/2020 Institucionet

29 Gushti edhe sot si edhe 20 vite me radhë për Hanin e Elezit është ditë homazhi e përkujtimi për sakrificën e ushtarëve të UÇK-së të trevës së Hanit të Elezit. Sakrifica dhe përpjekja shekullore padyshim kishte rezultate por më meritorët janë dëshmorët të cilët ngritën në këmbë faktorin ndërkombëtarë të cilët bashkërisht me Ushtrinë Çlirimtare të Kosovës arritën ta ndalin gjenocidin serb. Në kompleksin e varrezave të dëshmorëve në Puset e Nikës, përfaqësues të institucioneve publike dhe Shoqatave të dala nga lufta e UÇK-së, përkulën dhe vendosën buqetë lulesh, për të nderuar luftën e lavdishme të UÇK-së, për të nderuar sakrificën e Dëshmorëve dhe të Familjeve të tyre. Kjo ditë homazhi filloi me nderime para Lapidarit të Dëshmorëve të luftës dhe të viktimave civile në Han të Elezit për të vazhduar me nderime pranë pllakave përkujtimore ku kanë rënë Dëshmorët Gafurr e Driton Loku, Dëshmorët Ilaz Thaçi e Baki Krasniqi, Dëshmori Nuri Bushi dhe Dëshmori Xhemsedin Suma. Për shkak të rrethanave me Pandemin e Korona virusit nuk është organizuar ndonjë aktivitet publik, por se kjo në as një moment nuk zbehë respektin e banorëve të komunës së Hanit të Elezit për veprën e Heronjve të Kosovës.

Kontrolloni gjithashtu

Këshilli i Bashkësisë Islame në Deçan, organizoj tryezën me temën “Roli i fesë në shoqërinë bashkëkohore”

Këshilli i Bashkësisë Islame në Deçan, organizoj të premtën tryezën me temën “Roli i fesë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara