Filloi rregullimi i 10 rrugëve në Shkozë dhe i 1 rruge në Maxharrë

01/09/2020 Institucionet

Ka filluar hapja dhe rregullimi i dhjetë rrugëve në fshatin Shkozë dhe i një rruge në fshatin Maxharrë të Komunës së Malishevës. Punimet në këto rrugë i ka parë nga afër drejtori i urbanizmit Ahmet Morina, i cili është takuar edhe me përgjegjësit e këtyre dy fshatrave. Qëllimi i kësaj vizite ishte njoftimi nga afër me punimet në rrugët që janë duke u rregulluar dhe njoftimi nga kryetarët e fshatrave Shkozë, Luan Bytyçi dhe në Maxharrë nga Muhamet Kastrati për punimet që janë duke u kryer dhe nëse ata kanë vërejtje për ecurinë e punimeve. “Sot vizitova këto dy fshatra ky janë duke u rregulluar njëmbëdhjetë rrugë, me qëllim të informimit me ecurinë e punimeve dhe zbatimit të planit dinamik për realizimin e këtyre projekteve, pasi kemi të bëjmë një numër të madh rrugëve që janë duke u rregulluar”, tha drejtori Morina. “Të gjitha këto rrugë në Shkozë e Maxharrë, e po ashtu edhe në fshatrat tjera ku jemi duke punuar pa ndërpre, janë pjesë e investimeve kapitale në infrastrukturën rrugore në të gjitha vendbanimet e Komunës së Malishevës, të cilat kanë qenë pjesë e listës së investimeve kapitale të miratuar në Asamblenë Komunale dhe të gjitha këto rrugë, financohen nga buxheti i Komunës së Malishevës”, ka deklaruar drejtori i Drejtorisë së Urbanizimit, Ahmet Morina.

Kontrolloni gjithashtu

Kryetari Aliu ngushëllon familjen Shaqiri, me rastin e ndarjes nga jeta të të gazetarit të mirënjohur Sylejman Shaqiri

Me dhembje e pikëllim të thellë, morëm lajmin për ndarjen nga jeta të gazetarit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara