Zëvendëskryeministri Besnik Tahiri vizitoi Vitinë

02/09/2020 Institucionet

Zëvendëskryeministri i Qeverisë së Kosovës Besnik Tahiri, ka vizituar komunën e Vitisë, me ç’rast u prit nga i pari i kësaj komune Sokol Haliti. Në këtë takim, kryetari Haliti e njoftoi zëvendëskryeministrin me gjendjen aktuale në këtë komunë, me theks të veçantë rreth pandemisë dhe menaxhimin e kësaj situate, duke theksuar se përkundër rasteve të përditshme, megjithatë gjendja vazhdon të jetë nën kontroll dhe e menaxhueshme. Temë bisede ishte edhe kyçja e Vitisë në autostradën “Arber Xhaferi” në Gërlicë, ndërkaq ka shprehur shqetësimin rreth regjistrimit të popullsisë që nuk është në proporcion real me numrin aktual të banorëve e që po i kushton Vitisë, në ndarjet buxhetore. Duke folur rreth projekteve prioritare, Haliti ka parashtruar disa kërkesa si më të domosdoshme, ndër të cilat ka potencuar renovimin e tërësishëm të objektit të vjetër të Shkollës Teknike Profesionale “Jonuz Zejnullahu”, decentralizimin e shërbimeve të hemodializës, kur dihet se komuna e Vitisë ka një numër të madh të pacientëve e që i nënshtrohen hemodializës. Ndër kërkesat ishte edhe ajo e shqyrtimit për renovimin e objektit të stacionit policor në Viti, me qenë se ky institucion është duke u përballur me kushte të vështira për punë. Ndërkaq, Zëvendëskryeministri i Qeverisë së Kosovës Besnik Tahiri, lidhur me kyçjen e Vitisë në autostradën Arber Xhaferi, ka thënë se kjo është e drejtë qytetare e kësaj popullate dhe kjo duhet të bëhet e duhet të fillojn procedurat për realizim të kësaj kërkese, megjithëse janë disa pengesa pasi qeveria e kaluar ka marrë vendim për anulim dhe ritenderim. Gjithashtu, Zëvendëskryeministri Tahiri u shpreh se do ti shqyrtoj të gjitha kërkesat që u parashtruan nga kryetari Haliti, dhe u zotua se do ti shtyj ato drejt realizimit. Ai ka përgëzuar Institucionet komunale për punën e mirë që po bëhet, si në menaxhimin me situatën epidemiologjike, por edhe në realizimin e projekteve të shumta, që kanë për qëllim mirëqenien qytetare.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara