Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja për Bashkim ka kërkuar arbitrazh ndërkombëtar për çështjen e demarkacionit me Malin e Zi. Në komunikatën e LB-së thuhet se Komisioni Verifikues i krijuar nga presidentja Jahjaga konstatoi se puna dhe rezultatet e Komisionit shtetëror për përcaktimin e vijës kufitare me Malin e Zi, në aspektin teknik dhe juridik, kanë qenë në përputhje me standardet ndërkombëtare por procesi i përcaktimit të vijës kufitare nuk e ka pasur transparencën e duhur. Mungesa e transparencës ka qenë arsyeja pse Lëvizja për Bashkim ka qenë kundër rezultateve të komisionit shtetëror. Lëvizja për Bashkim konsideron se Kuvendi i Kosovës është mekanizmi final i cili e bën ratifikimin ose mos ratifikimin e asaj marrëveshjeje. Për shkak të paqartësive të mëdha që ka sjellë procesi i demarkacionit, e si rrjedhojë ka ngjallur mosbesim të madh te një pjesë e konsiderueshme e qytetarëve të Kosovës lidhur me këtë proces, Lëvizja për Bashkim kërkon nga të gjithë deputetët e Kuvendit të Kosovës që duke votuar kundër, t’i hapim rrugë dërgimit të kësaj çështjeje në arbitrazh ndërkombëtar.
