leoni

Kryetari Latifi, ka pritur në takim përfaqësues të fermerëve blegtorë të komunës së Rahovecit

07/09/2020 Institucionet

Kryetari i komunës së Rahovecit Smajl Latifi, ka pritur në takim përfaqësues të fermerëve blegtorë të komunës së Rahovecit si dhe pronarin e pikës më të madhe grumbulluese të qumështit “Pashtriku”, të cilët i janë drejtuar komunës së Rahovecit për të shprehur shqetësimin serioz të tyre për pamundësinë e dorëzimit të qumështit në pika grumbulluese. Fjala është konkretisht për një problem që ka filluar të thellohet edhe më shumë pas situatës së krijuar me pandeminë Covid-19, ku nga ana e fermerëve kryetari Latifi është njoftuar se tashmë dorëzimi në pikën më të madhe grumbulluese të qumështit po bëhet i pamundur për shkak se Qendra Grumbulluese e Qumështit “Pashtriku”, nga 25,000 litra qumësht sa pranonte brenda ditës, tanimë nuk arrin të pranojë as 10,000 litra, për shkak të refuzimit të qumështit. Një problem i tillë është mjaft serioz do të dërgonte në një kolaps, falimentimin e qindra stallave, mbetjen e qindra punëtorëve pa punë, këputjen e një hallke të rëndësishme të zinxhirit që ndikon direkt në mirëqenien sociale dhe zhvillimin e ekonomisë familjare. I gatshëm për bashkëpunim dhe përkrahje, i bindur që duhet bërë ndërhyrje urgjente në pakon e rimëkëmbjes ekonomike, kryetari Latifi, fermerët blegtorë i siguroi se do të jemi në kontakt të vazhdueshëm me Asosacionin e Komunave të Kosovës, Ministrinë e Bujqësisë dhe Ministrinë e Tregtisë dhe Industrisë, për mundësitë e përbashkëta për të përkrahur sektorin e qumështit që të dal nga kjo gjendje e rënduar. Pasojat e mosveprimit do të jenë serioze!

Të veprohet seriozisht para se të bëhet vonë! Ka thënë kryetari Latifi me këtë rast.

Kontrolloni gjithashtu

Këshilli i Bashkësisë Islame në Deçan, organizoj tryezën me temën “Roli i fesë në shoqërinë bashkëkohore”

Këshilli i Bashkësisë Islame në Deçan, organizoj të premtën tryezën me temën “Roli i fesë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara