Shkollat e komunës së Vitisë do të jenë të gatshme për fillimin e vitit shkollor

09/09/2020 Institucionet

Në mbledhjen e rregullt të Komitetit Komunal për Mbrojtje dhe Shpëtim që u mbajt sot në komunën e Vitisë, është analizuar gjendja aktuale në komunën e Vitisë, si dhe gjendja shëndetësore e të prekurve me Covid 19. Në këtë takim u bë e ditur se momentalisht në këtë komunë janë 67 raste aktive. Temë qendrore e kësaj mbledhje ishte çështja e përgatitjes për fillim vitin e ri shkollor. Kryetari komunës Sokol Haliti, kërkoi nga drejtoritë gjegjëse që të përkushtohen rreth përgatitjeve të objekteve shkollore, si dhe që të bëhet gjatë vikendit dezinfektimi i tyre dhe klorifikimi i oborreve, në mënyrë që për të hënën të jetë gjithçka gati. Gjithashtu, u kërkua që shkollat të pajisen me dezinfektues e masa të tjera mbrojtëse. “Shpresojmë që të filloj mbarë ky vit i ri shkollor dhe të mos kemi probleme. Kërkoj edhe nga personeli, edhe nga nxënësit që të zbatojnë rekomandimet në marrjen e masave parandaluese ndaj Covid 19”, ka thënë kryetari Haliti. Po në këtë takim, nga drejtori i Arsimit Basri Aliu, u tha se do të bëhet testi personelit arsimor në disa faza që janë paraparë në planin e hartuar nga Ministria e Arsimit.

Kontrolloni gjithashtu

Kryetari Aliu vizitoi Qendrën Kryesore të Mjekësisë Familjare

Kryetari i Komunës së Ferizajt, z. Agim Aliu i shoqëruar nga drejtori i Shëndetësisë dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara