Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje ka mbajtur një konferencë për media, rreth takimit të kryeministrit të Avdullah Hotit në Uashinton, më 4 shtatorë. Deputeti i kësaj partie, Rexhep Selimi tha se me nënshkrimin e marrëveshjes në SHBA, Hoti e ka zhbërë kufirin ndërmjet të dy shteteve. “Me nënshkrimin e marrëveshjes në Shtëpinë e Bardhë ndërmjet Kosovës dhe Serbisë me 4 shtator, kryeministri Avdullah Hoti ka zhbërë kufirin ndërmjet të dy shteteve. Edhe në vitin 2011 kishim një marrëveshje të nënshkruar, dhe të gjithëve na kujtohet ku palët i referoheshin ndryshe njëra tjetrës. Në zotimin e tij Hoti vuri nënshkrimin në mos njohjen e Kosovës. Nuk i njeh kufijtë shtetëror të vendit të cilën e qeverisë. Hoti na del të jetë shkelës i ligjit. Duke nënshkruar këtë dokument Hoti ka zhbërë kufirin shtetëror mes Kosovës dhe Serbisë. Por çka përfitoj Kosova nga ky dokument, apo ndryshe çka humbi Serbia nga ky nënshkrim i Hotit”, tha ai.
