Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aktivistë të Vetëvendosjes, sot në mënyrë simbolike kanë vendosur një pankartë të gjatë, përmes të cilës i kanë uruar kryeministrit, Isa Mustafa dhe ish-zëvendëskryeministrit, Hashim Thaçi, 1 Prillin që njihet si Dita e Gënjeshtrave. Në këtë pankartë janë shtypur të gjitha premtimet e Mustafës dhe Thaçit, që sipas Vetëvendosjes, nuk janë përmbushur. “Si Mustafa dhe Hashim Thaçi erdhën në pushtet duke premtuar 120.000 vende të reja të punës njëri, e 200.000 të tilla tjetri; premtuan dyfishim të buxhetit në shëndetësi; liberalizim të vizave; e çka jo tjetër. Krejt çka bënë ata pas marrjes së pushtetit, është themelimi i Gjykatës Speciale kundër UÇK-së; marrëveshja për “Zajednicën”; marrëveshja për demarkacion me Malin e Zi që ia humb mijëra hektarë tokë Kosovës; si dhe projekte të ngjashme që rrezikojnë sovranitetin e vendit, shkatërrojnë ekonominë si dhe kërcënojnë me thellim të varfërisë në Kosovë”, thuhet në njoftimin e Vetëvendosjes.
