Këshilli i Drejtorëve në Malishevë mbajti mbledhjen e rregullt

21/09/2020 Institucionet

Këshilli i Drejtorëve, i drejtuar nga kryetari i Komunës së Malishevës, Ragip Begaj, e ka mbajtur mbledhjen e rregullt të së hënës, ku drejtorët e drejtorive kanë raportuar për punët dhe aktivitetet e tyre gjatë javës së kaluar dhe planifikimet për javën në vijim. Kryetari Begaj, ka kërkuar nga drejtorët, që të përshpejtojnë realizimin e projekteve të caktuara, pasi ndryshimet klimatike në stinën e vjeshtës, mund të shkaktojnë ngecje në realizimin e tyre, pasi në këtë drejtim ka ndikuar edhe situata me pandemi. Përndryshe në këtë mbledhje, drejtorët i kanë paraqitur të gjitha punët dhe aktivitet e tyre, si dhe sfidat me të cilat përballen, sidomos për shkak të situatës me pandemi. Mësimi është duke vazhduar në shkollat e Komunës së Malishevës, ndonëse thatësia e madhe që është duke mbretëruar, mund të ndikojë në shkolla, për shkak të mungesës eventuale të ujit dhe për këtë qëllim, është kërkuar përgjegjësi dhe angazhim më i madh nga ana e njësisë së “hidro-regjionit jugor” për furnizim të rregullt. Mungesa e reshjeve atmosferike, ka shtuar edhe kërkesat e qytetareve për furnizim me ujë për pije. Sa i përket situatës pandemike me covid-19, situata është e qetë dhe rastet tani më janë me të rralla, ndërsa edhe situata endemike me EHKK, gjithashtu është e qetë dhe nën kontroll. Po ashtu, janë duke u bërë edhe inspektime të vazhdueshme për zbatimin e  masave anti-covid.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara