Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në përpjekje për ta arsyetuar arrestimin e drejtuesve të Organizatës së Veteranëve të Luftës së Ushtrisë Çlirimtare të Kosovës, kryetarin Hysni Gucati dhe nënkryetarin, Nasim Haradinaj, Gjykata Speciale ka lëshuar një komunikatë sipas së cilës arrestimi i tyre është bërë meqë sipas kësaj gjykate këta dy na i paskan frikësuar dëshmitarët e saj dhe na i paskan rrezikuar duke ua publikuar emrat e tyre. “Ekziston po ashtu dyshimi i bazuar se Haradinaj është penalisht përgjegjës për kryerjen e veprës së hakmarrjes, në pajtim me Nenin 388 të Kodit Penal. Në mënyrë specifike, ekziston dyshimi i bazuar se Haradinaj mbajti tri konferenca shtypi më 7, 16 dhe 22 shtator të 2020-s, ku shpërndau apo vuri në dispozicion në forma tjera për mediat, informata konfidenciale dhe jo-publike si dhe dokumente lidhur me punën e Zyres së Prokurorit të Specializuar, përfshirë emrat dhe detajet personale të dëshmitarëve (potencialë), rrjedhimisht duke i ekspozuar këta individë përballë rrezikut potencial për sigurinë e tyre” thuhet në mes tjerash në komunikatën e kësaj gjykate.
