Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vaksinimi kundër gripit sezonal dhe virozave të tjera do të fillojë nga Shtëpia e Pleqve në Prishtinë. Kështu ka bërë me dije Ministri i Shëndetësisë, Armend Zemaj. Ai përmes një postimi ka thënë se detyrimi për përkujdesje ndaj të moshuarve është edhe përgjegjësi morale! “Ditën e sotme të punës e nisa nga Shtëpia e të Moshuarve, për të festuar së bashku Ditën Ndërkombëtare të të Moshuarve ku patëm një diskutim për “Pandemitë: A ndryshojnë ato mënyrën si e adresojmë moshën dhe moshimin? Me këtë rast, pati edhe një sesion këshillimor si dhe u shpërndanë materiale këshilluese për të moshuarit. Të moshuarit apo mosha e artë, përballen me nevoja të veçanta dhe në këtë shtëpi, ndodhen nën përkujdesjen e plotë sociale dhe shëndetësore, me kushte për pleqëri të mbarë. Detyrimi për përkujdesje ndaj të moshuarve është edhe përgjegjësi morale!”, ka shkruar në mes tjerash ai.
