Filloi ndërtimi i trotuarit në fshatin Shkozë të Malishevës

01/10/2020 Institucionet

Në kuadër të rregullimit të infrastrukturës së përgjithshme në vendbanimet e Komunës së Malishevës, sot në fshatin Shkozë, ka filluar ndërtimi i trotuarit me gjatësi 500 metra, nga hyrja e fshatit në drejtim të shkollës. Në fillimin e punimeve ishin të pranishëm, drejtori i urbanizmit në Malishevës, Ahmet Morina dhe shefi i njësisë së prokurimit komunal, Nuhi Shala, të cilët janë takuar edhe me banor të këtij fshati. Drejtori i urbanizmit, Ahmet Morina, ka bërë të ditur se ndërtimi i këtij trotuari, është pjesë e projekteve kapitale dhe i planifikimeve komunale për këtë vit, ndërsa trotuari, i cili ka qenë edhe kërkesë e fshatit, fillon nga hyrja në fshat dhe shkon në drejtim të shkollës. “Krahas dhjetë rruginave që jemi duke i rregulluar në Shkozë, sot ka filluar edhe realizimi i projektit të radhës, të trotuarit, dhe gradualisht jemi duke i përmbushur kërkesat dhe nevojat e banorëve të Shkozës, sikur edhe në të gjitha vendbanimet tjera”, tha drejtori Morina, i cili edhe i uroi banorët për projektin e trotuarit që po realizohet në këtë fshat.

Kontrolloni gjithashtu

Komuna e Deçanit, me 1 maj shënon 35-vjetorin e Kuvendit Historik të Pajtimit të Gjaqeve “Verrat e Llukës”

Kryetari i komunës së Deçanit, z. Bashkim Ramosaj, kryesuesi i Kuvendit Komunal, z. Hajdar Sutaj …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara