Lansohet skema e granteve për start-up dhe biznese ekzistuese “Programi për Rimëkëmbje Ekonomike 2020, Masa 8”

02/10/2020 Institucionet

Të nderuar qytetarë të Komunës së Deçanit, në pamundësi të mbajtjes së sesioneve informuese për shkak të virusit, Drejtoria për Zhvillim Ekonomik në komunën e Deçanit, njofton të gjitha bizneset e interesuara që të aplikojnë në Skemat e Granteve “Programi për Rimëkëmbje Ekonomike 2020, Masa 8” e lansuar nga MZHR. Grandi do të ndahet në dy lote, si vijon:

Loti 1 – Ndërmarrjet mikro dhe të vogla (Të regjistruara para datës 01.01.2020) si dhe duhet të kenë qarkullim minimumi 5,000.00€ deri në 15,000.00 € të dëshmuara/deklaruara në ATK për vitin e fundit fiskal;

Loti2 – Ndërmarrjet mikro dhe të vogla (Të regjistruara para datës 01.01.2020) si dhe duhet të kenë qarkullim mbi 15,001.00 të dëshmuara/deklaruara në ATK për vitin e fundit fiskal.

Shumat e granteve: Çdo grant i kërkuar sipas kësaj Thirrjeje për Propozime duhet të jetë brenda shumave vijuese minimale dhe maksimale:

Loti 1 – Ndërmarrjet mikro dhe të vogla, nga 2,000.00 € deri në 7,000.00 €;

Loti 2 – Ndërmarrjet mikro dhe të vogla, nga 7,001.00 € deri në 15,000.00 €;

Synimet specifike të kësaj Thirrjeje për Propozime janë:

Zvogëlimi i papunësisë përmes krijimit të vendeve të reja të punës, me theks të veçantë për të rinjtë; Përkrahja e zhvillimit të bizneseve të reja dhe atyre me potencial rritjeje; Përkrahja e bizneseve që kontribuojnë në zëvendësimin e importeve.

Mënyra e aplikimit

Aplikantët ftohen të plotësojnë formularin e aplikimit duke përdorur formularin e aplikimit online të dizajnuar nga autoriteti kontraktues në sistemin SMAED. Aplikantët duhet t’i përmbahen strikt formateve të aplikimit dhe të plotësojnë paragrafët dhe faqet me rend.

Afati i aplikimit është deri me 12.10.2020 ora 16:00.

Për çdo informacion shtesë, ju lutëm të drejtoheni tek Drejtoria e Zhvillimit Ekonomik në Komunën e Deçanit. Detajet për aplikim i gjeni në ueb faqen e MZHR-s në linkun:  https://mzhr.rks-gov.net/thirje-per-propozime-2020/

Kontrolloni gjithashtu

Kryetari Ramosaj me bashkëpunëtor vizituan Shkollën Fillore “Lan Selimi” në Lumbardh

Kryetari i Komunës së Deçanit, Bashkim Ramosaj së bashku me nënkryetarin e Komunës, Sami Cacaj …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara