Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Punës dhe Mirëqenies Sociale, Skënder Reçica ka thënë se Qeveria ka injoruar kërkesat e Nismës Socialdemokrate dhe kjo ka bërë që të mos e votojnë Kornizën Afatmesme të Shpenzimeve të Rishikuara 2021-2023. Gjatë intervistës për “Kosovaress”, ministri Reçica ka theksuar se arsyeja që nuk e ka votuar Kornizën Afatmesme të Shpenzimeve të Rishikuara 2021-2023, është mos përfshirja e Nismave Ligjore të MPMS-së, në këtë dokument. Reforma Pensionale, Ligji për Pushimin e Lehonisë dhe Ligji i punës, janë vetëm disa nga çështjet që MPMS i ka adresuar e që nuk janë përfshirë në Kornizën Afatmesme të Shpenzimeve. Bëhet fjalë për reformën pencionale, ligjin për pushimin e lehonisë, ligjin e punës dhe çështje të tjera të cilat ne i kemi iniciuar në kuadër të agjendës legjislative dhe pikërisht për këtë për shkak të mos akomodimit nuk e kemi votuar, ka theksuar ministri i Punës dhe Mirëqenies Sociale, që vije nga radhët e Nismës Socialdemokrate, Skënder Reçica.
