Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Kuvendit të Kosovës nga radhët e Aleancës për Ardhmërinë e Kosovës, Teuta Haxhiu ka kërkuar që të iniciohet padi ndaj presidentit të Serbisë, Aleksander Vuçiq për pjesëmarrje në krime kundër njerëzimit. “Kërkojmë padi nga Gjykata ndërkombëtare për krime kundër njerëzimit që të inicioj padi kundër ministrit të atëhershëm të propagandës vrastare dhe presidentit të tanishëm serb, Aleksander Vuçiq, për pjesëmarrje në krime masive, për obstruksion dhe për fshehje të organizuar të krimeve të tyre, përkatësisht të viktimave të gjenocidit serb në Kosovë. Kërkojmë padi nga Gjykata Ndërkombëtare për Krime kundër njerëzimit që të inicioj padi kundër zëdhënësit dhe krahut të djathtë të diktatorit Sllobodan Millosheviq, Ivica Daçiç për pjesëmarrje në krim masiv, për obstruksion dhe për fshehje të organizuar të viktimave të gjenocidit serb në Kosovë si dhe frikësim publik të dëshmitarëve. Kërkojmë padi penale për gjithë strukturën ushtarake dhe policore që ende gjenden në funksione dhe që atëherë kanë qenë në funksion të gjenocidit ndaj popullatës shqiptare në Kosovë. Kërkojmë zbardhjen e rasteve të dhunimeve masive të grave shqiptare nga të të njejtët akterë”, ka shkaur mes tjerash deputetja, Teuta Haxhiu.
