Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Këshillit Kombëtar në Sanxhak, Sulejman Uglanin i ka nisur një kërkesë Këshillit të Sigurimit të Kombeve të Bashkuara, që në rajonin e Sanxhakut të dërgohen urgjentisht e pa vonesë forca ndërkombëtare me qëllim të shmangies së konfliktit. “Bashkësia ndërkombëtare ftohet të vendosë mision special me qëllim të pengimit të konfliktit për të ndaluar frikësimin dhe kërcënimin e mëtejmë kundër boshnjakëve, por edhe për preventivë për të pamundësuar valën e re të terrorit shtetëror, krimit dhe spastrimit etnik në Sanxhak”, thuhet në kërkesën e nënshkruar nga Sulejman Uglanini. Kësaj kërkese paqësore i është përgjigjur me gjuhë kërcënuese e prepotente ministri i Jashtëm i Serbisë, Ivica Daçiq. Sipas tij “ky është, haptas, një provokim i madh për të destabilizuar vendin’. Përndryshe, rajoni i Sanxhakut që ka mbetur nën Serbi, është kthyer në një arenë përplasjesh të nxehta, ku kërkesa e sanxhaklinjëve për autonomi po ndesh në reagimin prepotent të Beogradit. Duhet përmendur se gjatë viteve të fundit, në qendrat kryesore të Sanxhakut, Pazar i Ri, Tutin e Senicë ka pasur një rizgjim të vetëdijës së të qenurit shqiptar, gjë që është shprehur edhe me ndërtimin e një pllake përkujtimore për prefektin shqiptar të Pazarit të Ri gjatë LDB, Aqif Blyta.
