Kryetari Bahtiri kërkon nivelizim të pagave për kategoritë e njëjta të shërbyesve civil

04/04/2016 Institucionet

Nën udhëheqjen e kryetarit të komunës së Mitrovicës Agim Bahtiri, është mbajtur mbledhja e radhës e Bordit të drejtorëve, në të cilën u shqyrtuan çështje të ndryshme nga fushëveprimi i Bordit.

Si pikë e parë e rendit të ditës, u shqyrtua çështja e koeficientit të pagave të shërbyesve civil.

U konstatua se në Shërbimin civil të komunës së Mitrovicës, ka laramani sa i  përket koeficientit të shërbyesve civil, përkatësisht ka dallime të koeficientit për shërbyesit të të njëjtit rang.

Kryetari Bahtiri tha se kjo gjendje e shkaktuar nga shkelja e ligjit të ish drejtuesve komunal, nuk mund të vazhdohet kështu, përndaj do të merren masa për barazimin e koeficienteve të shërbyesve sipas kategorive dhe rritjen e koeficienteve atje ku vërtetë vlerësohet se një gjë e tillë është e domosdoshme.

Në vazhdim të takimit, anëtarët e Bordit u njoftuan  për bartjen  në këtë vit të një shume të mjeteve nga të hyrat vetjake që ishin planifikuar për vitin 2015, por që janë bartur në këtë vit.

Lidhur me këtë shumë të parave, u tha se ato duhet të ridestinohen vetëm në bazë të dispozitave ligjore dhe me vendim përkatës të kryetarit dhe të Kuvendit të Komunës.

Po ashtu, në takim u konstatua se të gjitha përgatitjet për fillimin e ushtrimit fushor “Veprimi i Shpejtë 7”, janë bërë me kohë. Nga drejtorët e drejtorive dhe institucioneve tjera përkatëse, që kanë detyra në ushtrim, u kërkua që të jenë të gatshëm dhe që ato t’i realizojnë ashtu siç kërkohet, në mënyrë që ushtrimi të ketë sukses.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara