Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i PDK-së, Abelard Tahiri, ka reaguar për mungesën e kolektorit të ujërave të zeza në lagjen “Kalabria”, ku kjo parti sot mbajti një konferencë për media për këtë çështje. Ai ka thënë se mbi 20 vite ka pasur keqqeverisje, degradim e mashtrim me qytetin e Prishtinës. “Çfarë do të duhej të ishte modeli i progresit e shembulli për t’u ndjekur gjithandej Kosovës, kryeqyteti ynë, ende ka probleme elementare me ujë e kanalizim. LDK-ja dhe Vetëvendosja që qeverisën me Prishtinën deri më tani, nuk kanë treguar as kokrrën e pasionit për t’iu dhënë zgjidhje meritore problemeve, për shkak të pasionit të madh për t’ia zënë frymën qytetit me ndërtime e mbi ndërtime”, ka shkruar Tahiri. Ai ka shtuar se kësaj epoke të mashtrimit e keqmenaxhimit, duhet t’i vijë fundi në zgjedhjet e ardhshme lokale.
