Të gjithë në mbrojtje të trashëgimisë kulturore të Kosovës

05/04/2016 Institucionet

Ministri i Kulturës, Rinisë dhe Sportit, Kujtim Shala, ka vizituar Institutin për Mbrojtjen e Monumenteve të Kosovës, ku është takuar me drejtorin e këtij institucioni, Alban Bakia, dhe anëtarët e Këshillit Drejtues, me të cilët bisedoi për programin e këtij institucioni për këtë vit, por edhe për rolin dhe rëndësinë që ka ky institucion në ruajtjen e trashëgimisë kulturore të Kosovës.

Drejtuesit e këtij institucioni e informuan ministrin Shala me punët dhe programin e këtij institucioni për këtë vit, me një theks të veçantë me punët që po bëhen në konsolidimin e mëtejmë të tij, në funksion të shtimit të kapaciteteve për të ruajtur trashëgiminë kulturore të Kosovës.

Ministri Shala drejtuesve të këtij institucioni iu premtoi mbështetje, dhe u shpreh se IMMK-ja është institucion jashtëzakonisht i rëndësishëm, i cili kujdeset për ruajtjen e trashëgimisë së Kosovës.

Ndërmjet ministrit Shala dhe drejtuesve të këtij institucioni u bisedua edhe rreth rëndësisë që ka gjetja e mekanizmave për ruajtjen e trashëgimisë kulturore të Kosovës, ndaj kërkohet vetëdijesim dhe bashkëpunim i ngushtë i gjithë faktorëve për ruajtjen e saj, sepse ajo përbën vlerë të jashtëzakonshme për Kosovën dhe është identiteti i saj historik.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara