REAGIMI I KRYETARIT TË KOMUNËS SË HANIT TË ELEZIT RUFKI SUMA

06/11/2020 Institucionet

Me rastin e arrestimit të ish udhëheqësve të UÇK-së, Kryetari i komunës së Hanit të Elezit Rufki Suma, në emrin e tij dhe në emër të qytetarëve të Hanit të Elezit, ka shprehur paknqësinë për barazimin e viktimës me agresorin,  sepse këta udhëheqës të UÇK-së arrestohen me akuzën për krime lufte dhe krime kundër njerëzimit. Dihet botërisht se krime lufte dhe krimet kundër njerëzimit në Kosovë dhe më gjerë në ish Jugosllavi i ka bërë shteti dhe politika serbe, ku u vranë dhe u ekzekutuan, gra, fëmijë, pleq, mbi 13 mijë shqiptar, edhe sot e kësaj dite nuk janë gjetur eshtrat e mbi  1500 shqiptarëve të vrarë nga ushtria dhe paramilitarët serb në Kosovë. Drejtësia ndërkombëtare në Kosovë ka vepruar qe 20 vite për mes institucioneve të ndryshme si UNMIK, EULEX, Gjykata e Hagës për krime lufte në ish Jugosllavi, dhe pjesëtar të niveleve të ndryshme në hierarkinë e komandimit dhe udhëheqjes së UÇK-së  kanë vuajtur dënime të ndryshme.Lufta e UÇK-së ishte luftë e drejt dhe luftë e pastër e cila lindi nga gjiri i popullit për tu mbrojtur nga dhuna, persekutimi dhe gjenocidi mbi popullatën shqiptare në Kosovë nga paramilitarët, policia dhe ushtria serbe. Kjo dhunë dhe gjenocid mbi popullatën shqiptare u ushtrua në forma të ndryshme si: dhunë, dëbime, vrasje dhe masakra  mbi popullatës së pafajshme civile, ku forcat serbe kryen me qindra masakra ndaj popullatës së pafajshme civile në vende të ndryshme në Kosovë ku edhe sot e kësaj dite kryerësit e masakrave  dhe shteti serb nuk janë dënuar. Jemi për drejtësi dhe secili individ apo grup të përgjigjet për veprat e kryera, por jo që të ndërrohen rolet ku çlirimtarët-viktimat të dënohen ndërsa krimi dhe krimineli të favorizohet. Jemi të bindur në luftën e drejt dhe të pastër të UÇK-së  dhe gjithë këta të akuzuar do të lirohen si të pafajshëm sikurse edhe në gjyqet tjera ndërkombëtare, ka thënë ndër të tjera kryetari Suma.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara