Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i grupit parlamentar të Lëvizjes Vetëvendosje, Rexhep Selimi, sot para trupit gjykues të Gjykatës Speciale, është deklaruar i pafajshëm nga të gjitha pikat e aktakuzës me të cilat e ka ngarkuar Prokuroria e Speciales “Unë deklarohem i pafajshëm në të gjitha pikat e aktakuzës”, ka saktësuar Rexhep Selimi. Ai ka thënë se luftën çlirimtare e ka nisur me komandantin e UÇK-së, Adem Jashari dhe e ka përfunduar me komandantin e NATO-s, gjeneralin, Wesley Clark. “Po, unë kam luftuar kundër Serbisë okupatore, kundër asaj Serbie që veç të këqija i ka sjellë vendit tim. Prandaj unë e kam bërë vetëm detyrën time. Unë jam veç një çlirimtar që luftën e kam nisur me Adem Jasharin dhe e kam përfunduar me gjeneralin Clark… Drejtësia e mbi të gjitha e vërteta, duhet të jetë qëllimi i të gjithëve këtu, ashtu siç do të jetë qëllimi im parësor në këtë proces”, ka thënë Selimi, duke e quajtur aktakuzën të pabazë dhe të padrejtë.
