Ansambli i këngëve dhe valleve “Kemajl Azizi” përfaqësoi Kosovën në Festivalin International “Online Dance Competition”

12/11/2020 Institucionet

AKV “Kemajl Azizi” nga Vitia, është ansambli i vetëm nga Kosova dhe Shqipëria, që ka përfaqësuar  kulturën shqiptare në një Festival prestigjioz internacional “Online Dance Competition” që është organizuar nga FFA, e që u mbajt gjatë muajit tetor në Greqi. Në mesin e shteteve pjesëmarrëse, ishin : Rusia, Australia, Indonezia, Estonia, Lituania, Irani, Polonia, Tailanda, Greqia, Malajzia, Kanada, Turqia, Meksiko, Argjentina, Bosnja dhe Hercegovina, Sllovakia, Kroacia, Mali i Zi, Rumania, Moldavia, Bullgaria Meksika etj.

Paraqitja e ansambleve pjesëmarrëse u vlerësua nga një juria profesionale e përbërë nga 7 vende te ndryshme te botës, ndërkohë që Ansambli “Kemajl Azizi”, u nderua me çmimin si Koreografia  më e bukur tradicionale -Letër speciale rekomandimi, me vlerë për të gjitha festivalet botërore , si dhe mirënjohje dhe falënderime për bashkëpunim dhe kupon special me vlerë 100 euro.  Me rastrin e paraqitjes dinjitoze në këtë festival,  kryetari i komunës së Vitisë Sokol Haliti, ka organizuar sot pritje për udhëheqjen dhe  anëtarët e të këtij ansambli. Mes tjerash ai, kryetari Haliti ka theksuar se ndjehet krenar për rezultatet e AKV “Kemajl Azizi”, kur dihet fakti se edhe në këto rrethana nëpër të cilën po kalon vendi ynë, por edhe e gjithë bota, megjithatë përkushtimi i këtyre artistëve është kurorëzuar me rezultate të mira. “Ju inkurajoj, që të vazhdoni edhe më tej që të angazhoheni sepse vetëm me punë, mund të arrini synimet tuaja. Ju uroj për çmimin dhe rezultatet në përgjithësi. Jeni shëmbëlltyra jonë, por edhe ambasador të kulturës sonë kombëtare, në nivelet ndërkombëtare”, u shpreh Haliti. Edhe drejtori për Kulturë, Rini e Sport në Viti, Milot Lala, ka thënë se është tejet i kënaqur me punën dhe përkushtimin e anëtarëve të AKV “kemajl Azizi” dhe ka premtuar se do të mbështes e të përkrah nismat që vijnë nga ata. Kurse drejtori i Ansamblit “Kemajl Azizi”, Arsim Abazi, ka thënë se këto çmime nuk i takojn vetëm ansamblit tonë, por i takojnë edhe qytetit tonë Vitisë, shtetit të Kosovës dhe gjithë Shqiptarisë. “Shpreh falënderim për anëtarët dhe bashkëpunëtorët, të cilët po i japin vlerë AKV “Kemajl Azizi” dhe i cili po ka sukses të madh në sferën ndërkombëtare kulturore”, tha Abazi. Përndryshe, ky projekt është mbështetur nga Ministria e Kulturës, Rinisë dhe Sportit të Republikës së Kosovës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara