Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i Partisë Demokratike të Kosovës, Kadri Veseli kishte dhënë dorëheqje nga të gjitha funksionet publike dhe politike më 5 nëntor, ditën kur iu konfirmua aktakuza nga Zyra e Prokurorit të Dhomave të Specializuara. Ai këtë dorëheqje e pati bërë të ditur përmes një deklarate publike, ku kishte thënë se ka vendosur të tërhiqet nga të gjitha aktivitetet publike e politike për aq kohë sa do të zgjasë procesi i gjykimit të tij në Gjykatën Speciale në Hagë, duke kërkuar që të respektohet ky qëndrim i tij nga të gjithë në Kosovë për aq kohë sa është qytetar privat. Mësohet se po atë ditë, Kadri Veseli ka dhënë dorëheqje edhe nga mandati i deputetit të Kuvendit të Republikës së Kosovës. Sipas radhës, Fadil Nura pritet të zëvendësoj Veselin në Grupin Parlamentar të PDK.
