Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja e Kuvendit të Kosovës, Vjosa Osmani, ka treguar se ka pasur kontakte me disa të afërm, që kanë rezultuar pozitivë me virusin dhe pas testimit në IKSHPK është njoftuar se edhe ajo ka dalë pozitive me koronavirus. Pasi disa të afërm, me të cilët kisha kontakt, rezultuan pozitivë në testin për COVID-19, u testova në IKSHKP dhe pak më parë u njoftova se edhe unë kam rezultuar pozitive. Në dy javët e ardhshme do të punoj nga shtëpia, duke u kujdesur që secili dokument a vendim që kërkon shqyrtim e vendimmarrje dhe që lidhet me përgjegjësitë e mia në të dy funksionet shtetërore që i ushtroj, të trajtohet në kohë. Po ashtu një numër takimesh do t’i vazhdoj nëpërmjet platformave elektronike. Përkundër kujdesit maksimal, po shihet që këto ditë virusi është kudo, më i përhapur se kurrë më parë, njëjtë i rrezikshëm si çdoherë. Prandaj, uroj që ta tejkalojmë këtë sfidë bashkërisht, duke mos e injoruar rrezikun nga virusi dhe kujdesin që duhet treguar.
