Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Demokratike në Prishtinë ka mbajtur konferencë për media gjatë së cilës kërkoi që të zbatohet vendimi i vendimi i Kuvendit Komunal të Prishtinës për lirimin e qytetarëve nga pagesa e transportit publik për katër muajt e ardhshëm. Asambleisti i PDK-së në komunën e Prishtinës, Leutrim Retkoceri tha se nga data 11 nëntor propozimi i PDK-së është vendim, pasi u votua nga shumica e asambleistëve dhe si i tillë duhet zbatohet nga kryetari i komunës së Prishtinës, siç e obligon neni 12 i Ligjit për Vetëqeverisje Lokale. Nënkryetari i PDK-së në Prishtinë, Ilirik Musliu shprehu shqetësimin për nivelin e lartë të ndotjes së ajrit në kryeqytet. Ai theksoi se ofrimi falas i shërbimit të transportit publik do të ndikojë në uljen e qarkullimit të veturave dhe përmirësimin e cilësisë së ajrit. Kjo masë do të vlejë për të gjitha linjat dhe për të gjithë qytetarët pa përjashtim duke i nxitur ata ta shfrytëzojnë transportin publik dhe jo veturat private.
