Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kuvendi i Kosovës sot miratoi Ligjin për parandalimin dhe luftimin e pandemisë. Në agjendën e kuvendit është edhe Ligji për rimëkëmbjen ekonomike, i miratuar në parim pas gjashtë përpjekjeve, por që nuk po arrin të kalohet në leximin e dytë, për shkak të mungesës së kuorumit. Organizatat që merren me monitorimin e punës së kuvendit kërkojnë që koalicioni qeveritar të ofrojë zgjidhje të shpejtë për zhbllokimin e kësaj situate, pasi aktualisht, vetëm 9 për qind e agjendës legjislative është realizuar. “Vetëm 13 projektligje, nga 143, janë miratuar në kuvend, 11 prej tyre kanë të bëjnë me çështje financiare: ose janë marrëveshje ndërkombëtare për hua ose të ndërlidhura me investime të huaja”. “Pjesa më e madhe e tyre janë miratuar pas muajit qershor, kur ishte votuar Qeveria Hoti, dhe pjesa më e madhe e tyre janë votuar më përkrahjen e opozitës”, konfirmon për Radion Evropa e Lirë, një hulumtim i Institutit Demokratik të Kosovës, i cili vlerëson se legjislatura aktuale është më e dobëta deri më sot, si në aspektin ligjvënës, ashtu edhe atë përfaqësues.
