Vlerësohet performanca e drejtuesve aktual të QKMF-së në Ferizaj

08/04/2016 Institucionet

Ish-drejtori i QKMF-së, Asllan Bajrami, mund të rikthehet në këtë qendër vetëm si mjek dhe asesi si drejtues i këtij institucioni, ka bërë të ditur të premten gjatë një konference për medie, drejtori i Drejtorisë për Shëndetësi dhe Mirëqenie Sociale të Ferizajt, Burim Karameta. Pavarësisht vendimit të Këshillit të Pavarur Mbikëqyrës, i cili i jep të drejtë Bajramit për t’u rikthyer në këtë pozitë, Karameta, ka vë në dukje se zyrtarët ligjor të komunës së Ferizajt janë duke u marrë me këtë çështje dhe se dihet edhe qëndrimi i kreut të Ferizajt zotit Svarqa, për mos kthimin në atë pozitë të ish-drejtorit të QKMF-së.

“Ky është pozicioni zyrtar, ndërsa vlen të theksohet se gjatë kësaj kohe drejtuesit e rinj të kësaj qendre kanë treguar një performancë jashtëzakonisht të lartë në menaxhim , gjë që tregojnë edhe shifrat e mjeteve të inkasuara që më parë nuk ka qenë. Kjo flet për një menaxhim të mirë, krahasuar me atë të ish-drejtorit Bajrami për gjatë dy viteve sa ka drejtuar ai”, ka thënë Karameta.

Duke u ndërlidhur me kontratën e punëtorëve shëndetësor të lidhur në mes komunës së Ferizajt dhe Caritas-it të Kosovës dhe e cila skadon në fund të këtij muaji, drejtori Karameta, ka thënë se pritet shumë shpejtë që të finalizohet një marrëveshje katërpalëshe në mes komunës, Caritas-it, Ministrisë së Mirëqenies Sociale dhe asaj të Shëndetësisë, të cilat kanë dhënë shumat me të cilat do ta mbështesin këtë projekt.

“Patjetër do ta vazhdojmë këtë kontratë edhe për një vit dhe këtu nuk do të ketë problem” ka shtuar Karameta.

Për më tepër duke iu referuara aktiviteteve brenda periudhës tre mujore të këtij viti, Karameta, ka përmendur kontributin e drejtorisë në hartimin e ligjeve që lidhen me mbrojtjen e të drejtave të fëmijëve si dhe kontributin në  ndryshimet e ligjit që do bëhen në mbrojtjen e fëmijëve nga punët e rënda.”Veç këtyre, kemi punuar në pjesën e ligjit  ku kemi të bëjmë me pasjen e një komiteti monitorues të cilësisë  së shërbimeve sociale sikurse që është në shëndetësi”, ka thënë drejtori Karameta.

Duke iu referuar shëndetësisë, zyrtarët kanë vënë në dukje angazhimet në ngritjen e disiplinës dhe përgjegjësisë në punë, përmes punëtorive të organizuara, ku janë nxjerrë nevojat e shëndetësisë në nivel lokal.”Vlen të theksohet që jemi marrë me funksionalizimin e qendrës  mjekësore në fshatin Zaskok, kemi studiuar nevojat në inventarë, pajisje mjekësore etj. Së shpejti do të nisë edhe projekti i rregullimit të oborrit të QKMF-së, jemi në implementim  të programit informativ shëndetësor që do ta shtrijë ndikimin në punën tonë përmes krijimit të data bazës, pastaj vizita sistematike nëpër shkollat tona, si dhe promovimet me rastin e ditëve botërore të sëmundjeve të ndryshme, si atyre orale, kanceroze e nefrostike”, ka thënë Karameta.

Ndryshe, autoritete shëndetësore të Ferizajt duke iu referuar projekteve për këtë vit kanë paralajmëruar nisjen edhe  të një qendre të mjekësisë familjare në fshatin Dardani, si dhe furnizimin me dy autoambulanca dhe tri karriga stomatologjike për nevojat e QKM-së nga ambasada japoneze në kuadër të një donacioni.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara