Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mediet në Shtetet e Bashkuara të Amerikës njoftojnë për vazhdimin e rritjes intensive të të infektuarve me kovid-19 në këtë vend. Njoftohet se gjatë pesë ditëve të para të muajit dhjetor, në Shtetet e Bashkuara të Amerikës janë evidentuar edhe 1 milion raste të reja. CNN njofton se vetëm me 5 dhjetor, janë evidentuar 213 mijë të infektuar. Ndërkohë, presidenti i zgjedhur i Shteteve të Bashkuara, Joe Biden i ka bërë thirrje Kongresit që të miratojë Projektligjin për Ndihmë pas krizës së shkaktuar nga pandemia COVID-19. Ai ka theksuar se duhet të veprojnë tani përndryshe e ardhmja e ekonomisë amerikane do të jetë e zymtë. Numri i përgjithshëm i të infektuarve në SHBA thuhet të jetë rritur në 14,5 milionë, derisa tanimë janë regjistruar gjithsej 281 mijë të vdekur.
