Ministri Krasniqi e kryetari Haliti vizituan punimet në Zonën Ekonomike në Budrikë

15/12/2020 Institucionet

Ministri i Tregtisë dhe Industrisë, Vesel Krasniqi, ka vizituar Zonën Ekonomike në Budrikë të Vitisë, ku bashkë me kryetarin e komunës së Vitisë Sokol Halitin, kanë inspektuar punimet që po kryhen në këtë zonë. Me këtë rast, ministri Krasniqi ka theksuar se është duke u realizuar faza përfundimtare e këtij projekti dhe se në pranverën e vitit të ardhshëm, ky projekt do të përfundoj. Gjithashtu, ai përmendi se me kryetarin Haliti janë dakorduar që të zgjerohet kjo zonë me anekse shtesë, si shkak i kërkesave të shumta që kanë paraqitur bizneset dhe ekonomitë e ndryshme për të investuar në këtë zonë. Qëllim i këtij projekti mbetet krijimi i një ambienti të volitshëm për zhvillim të bizneseve, jo vetëm të komunës së Vitisë, por edhe komunave tjera fqinje që shtrihen rreth kësaj zone”, tha Krasniqi. Ndërsa kryetari i komunës së Vitisë Sokol Haliti, ka përmendur angazhimet e Institucioneve lokale për realizimin e këtij projekti, por edhe planifikimet për funksionalizimin e kësaj zone. Morëm premtime nga ministri që ky projekt të përfundojë së shpejti, por edhe për zgjerimin e kësaj zone edhe për 15 hektar të tjerë. Pengesat që kemi hasur në fillim i kemi tejkaluar dhe besojmë se i gjithë projekti do të finalizohet, sipas planit të paraparë”, u shpreh kryetari Haliti.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara