AKV “Kemajl Azizi” dorëzoj dokumentarin dhe broshurën informative lidhur me trashëgiminë kulturore artistike në Anamoravë, konkretisht në trevën e Karadakut

22/12/2020 Institucionet

Ansambli i Këngëve dhe Valleve “Kemajl Azizi” nga Vitia i dorëzoj Komunës së Vitisë, konkretisht drejtorit të DKRS-së Milot Lala, dokumentarin dhe broshurën “Trashëgimia kulturore dhe artistike në Anamoravë” në të cilën dokumentohen zakonet, ritet dhe traditat të trevës së Anamoravës, gjegjësisht të Karadakut gjatë dasmave por edhe të valleve burimore dhe lojërat baritore të cilat janë përcjellë në këtë pjesë të Kosovës brez pas brezi. Përndryshe ky dokumentar që zgjatë 50 minuta dhe është incizuar kryesisht në Goden të Vitisë dhe broshura janë financuar nga Ministria e Kulturës, Rinisë dhe Sportit të Republikës së Kosovës, konkretisht nga Departamenti i Trashëgimisë Kulturore. Milot Lala, Drejtor për Kulturë, Rini dhe Sport në Viti, gjatë këtij takimi potencoi se AKV “Kemaj Azizi” në Viti, është vlerë e veçantë për komunën e Vitisë dhe rajonin e Anamoravës dhe Karadakut. ”Ju përgëzoj për punën e bërë edhe në këtë kohë të pandemisë. Sinqerisht AKV “Kemajl Azizi” nga Vitia është vlerë e çmuar për trevën tonë pasi që me punën e saj ajo ruan dhe promovon vlerat tradicionale të kësaj treve të Kosovës”, u shpreh Drejtori Lala. Ai tha se Drejtoria për Kulturë, Rini dhe Sport dhe Kryetari i Komunës së Vitisë, Sokol Haliti edhe për kundër buxhetit të limituar gjithmonë ju ja dalë në ndihmë ansambleve pasi që dinë rëndësinë që kanë ato në ruajtën e vlerave tona tradicionale dhe përfaqësimit të vlerave të tilla brenda dhe jashtë vendit. Ai i përgëzoj ata për sukseset e arritura dhe ju urojë suksese edhe në vitin 2021 duke premtuar vazhdimin e mbështetjes. Ndërkaq Arsim Abazi, Drejtor i AKV “Kemaj Azizi” bëri me dije se dokumentari dhe broshura mbi trashëgiminë kulturore e artistike në Anamoravë, konkretisht në Karadakut është financuar nga MKRS-ja e Republikës së Kosovës, përkatësisht nga Departamenti i Trashëgimisë Kulturore të Kosovës. Ai ka folur edhe për rëndësinë që ka pasur ky projekt për Vitinë, ansamblin dhe vendin. “ Me realizimin e këtij projekti në një dokumentar 50 minutshe dhe në një broshurë informative ne kemi përmbledhur disa nga traditat dhe zakonet të popullit tonë, konkretisht të regjionit të Anamoravës dhe Karadakut qoftë të traditave dhe zakoneve të ndryshme gjatë dasmave, valleve burimore por edhe të lojërave baritore. Kam nderin që bashkërisht sot me disa anëtare të ansamblit të ja dorëzoj dokumentarin dhe broshurën komunës së Vitisë dhe të pasurojmë arkivat e shtetit tonë me traditat tona të çmuara të ruajtur dhe të përcjella ndër brezash”, u shpreh drejtori i këtij ansambli, Arsim Abazi. Ndërkaq anëtarët e tjerë falënderuan komunën e Vitisë, drejtorin Lala dhe Kryetarin Haliti për mbështetjen e vazhdueshme duke potencuar se kjo ju jep atyre shtytje që të vazhdojnë edhe më shumë me përkushtim në sukseset e tjera

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara