Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dimër si sot
në Reçak
ku gjaku i lirisë po shkonte rreke
në gjirin tënd o toka jonë
strehuar e futur thellë në gji i ke
45 lulëkuqet e lirisë
45 djem
vajza
prindër e nuse të lirisë
janë dëshmitarë që flasin
janë themeli i shqiptarisë
janë zëra që thërrasin
si dëshmi e kohës
në kupë të qielli
Reçak
kërthiza e diellit
gjakun e tyre mos e harroni
mos e vrisni flijimin
bijtë e lirisë pas shpine mos i prisni
mos i shani
mos i mohoni
ata ranë për tokën mëmë
janë nami dhe emblema jonë
në Reçak
ku jeta dhe vdekja po mateshin
në token e bukën e vet
në shtëpinë dhe të drejtën e jetës
lirisë ia falën dritën e syrit
dielli atë ditë
në shenjë lëndimi
rreze më s’kishte bërë
ngase rrezet e lirisë së kuqe
bijve të Reçakut
ua kishte falë
në Reçak
për çdo ditë duhet të shkojmë
për të rënë në gjunjë atje
në gjunjë
para bijve tanë
që prehen në paqe
si dëshmi e një kohe të rëndë robërie
ne
me gjuhën shtrënguar nën dhëmbë
dhimbjet duhet t’i ndrydhim
duhet t’i mbajmë
për ta thënë burrërisht
burrërisht vetëm një fjalë
Reçak
sinonim lirie
Reçak
të qofshim falë
15-1-2021
