Nxënësit malishevas, mbajnë orë praktike në fushën e Astronomisë

12/04/2016 Institucionet

Nxënësit e gjimnazit “Hamdi Berisha” dhe ata të SHFMU “Ibrahim Mazreku” në Malishevë, sot kanë mbajtur orë praktike në fushën e Astronomisë, orë të cilat i kanë mbajtur vullnetarët e klubit të astronomisë “Astronomy Outreach of Kosovo”, ndërsa këto dy shkolla kanë pranuar donacion edhe disa teleskop dhe syze solare, për praktikë.

Këtë aktivitet, e ka ndjekur edhe drejtori i Drejtorisë për Arsim dhe Edukim, z.Avdi Morina, i cili i ka “falënderuar anëtarët e klubit të astronomisë, si dhe drejtuesi te këtyre dy shkollave, për realizimin e kësaj praktike, pasi është një fushë shkencore, për të cilën nxënësit tanë kanë nevojë të kenë më shumë njohuri, duke i parë edhe praktikisht përmes teleskopëve, lëvizjet në gjithësi dhe të mësojnë më shumë për trupat qiellor që e rrethojnë tokën”.

Ky aktivitet, është realizuar në bashkëpunim mes “Astronomy Outreach of Kosovo”, zyrës komunale për rini dhe drejtorisë për arsim dhe edukim.

Në këtë aktivitet, janë mbajtur orë mësimore praktike në fushën e astronomisë, ndërsa më pas edhe praktikisht, nxënësit, kanë mundur që përmes teleskopëve të sjellë nga ky klub i astronomëve, ta shikojnë diellin.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara