Komiteti për Politikë e Financa në Viti mbajti mbledhjen e parë të rregullt

22/01/2021 Institucionet

Komiteti për Politikë e Financa në komunën Vitisë, ka mbajtur sot mbledhjen e parë të rregullt, nën udhëheqjen e kryesuesit Naim Pira, në të cilën është diskutuar për disa pika të rendit të ditës, mes tyre edhe janë prezantuar pasqyrat financiare të buxhetit Komunal për periudhën janar-dhjetor 2020. Drejtori i Drejtorisë për Financa dhe Zhvillim Ekonomi Ibrahim Rama, duke prezantuar pasqyrat financiare, ka njoftuar se shuma e mjeteve të alokuara për vitin 2020 ka qenë 12.624.000 euro, ndërsa buxheti komunal është shpenzuar 99.40 %. Të hyrat e planifikuar për periudhën janar-dhjetor 2020, kanë qenë 948.599,00, ndërsa të realizuar janë 779.4040.67 euro. Sipas drejtorit Rama, shkalla e realizimit të të hyrave duke bazuar në planifikim vjetor, është 82.16 %. Krahasuar me të hyrat e planifikuara, janë më pak të hyra për 169.194.00, ndërsa në krahasim me të hyrat e vitit 2019, kanë qenë më të vogla për 361.117 euro. Anëtarët e KPF-së, në këtë mbledhje kanë aprovuar për procedim në seancën e ardhshme edhe disa propozim vendime, si ai për emërtimin e bibliotekës publike komunale me emrin e publicistit dhe kritikun letrat Ramadan Musliu, propozim miratimin e planit të punës së KKSB-së për vitin 2021, propozim vendimi për caktimin e orarit të mbajtjes se takimeve të kuvendit të komunës se Vitisë për vitin 2021, propozim vendimin për aprovimin e planit të punës të Komitetit për Komunitete për vitin 2021, si dhe u shqyrtua plani vjetor dhe plani strategjik për njësinë e Auditimi të brendshëm në Komunën e Vitisë 2021-2023. Seanca e ardhshme e Kuvendit Komunal, u vendos të mbahet të enjten e ardhshme me 28 janar prej orës 10:00.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara