Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Koordinatorja e Departamentit për monitorimin e cilësisë së ujit pranë IKSHPK-së, Burbuqe Latifi-Nushi, ka folur për cilësinë e ujit pas reshjeve të fundit të shiut. Ajo ka thënë se cilësua e ujit është në përgjithësi në rregull, por se mungon sasia, pasi kompanitë apo fabrikat e prodhimit të ujit, për arsye të ngritjes së turbullirave si pasojë e shiut, janë të detyruar të minimizojnë kapacitetin. Ajo ka thënë se rrezikshmëri tjetër paraqesin gypat e zbrazët sa i përket cilësisë së ujit apo edhe dëmtimi i tyre. Latifi-Nushi ka treguar se ka thirrje të përditshme e ankesa nga qytetarët për cilësi jo të mirë të ujit. Ajo ka lutur qytetarët nëse është e mundur të mos fusin në rrjet ujërat e bunarit, sepse siç thotë sedimentohet ndotja e ajo qëndron për një kohë të gjatë.
