Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
[Prishtinë, Kosovë] – Organizuar nga Fondacioni Jeshil sot në Kino Armata u bë hapja e ENTROPY – Festivalit Mjedisor Për Prosperitet Të Përbashkët i cili ka për qëllim ndërgjegjësimin e qytetarëve të Kosovës për Mbeturinat Ushqimore dhe Veprimin Klimatik përmes fuqisë së kinematografisë.
Lista e kuruar e filmave dokumentar dhe panel diskutimet e moderuara do të na tregojnë, ashtu siç e ceku edhe drejtori i Fondacioni Jeshil në fjalimin e tij hapës, që e Drejta në Ushqim nuk është liria nga uria. E Drejta në Ushqim nuk është lëmoshë. Përkundrazi, E Drejta në Ushqim nënkupton që cdo kush ka të drejtë që ushqimi i tyre të jetë adekuat, në dispozicion dhe i arritshëm. Pas hapjes u shfaq filmi dokumentar “Kiss the Ground” i regjisorëve Rebecca Harrell Tickell dhe Josh Tickell.
ENTROPY Fest do të zgjasë nga data 4 deri më 10 Shkurt dhe është i hapur për të gjithë. Gjatë katër ditëve të para do të ketë shfaqje filmash në Kino Armata dhe njëkohësisht filmat do të shfaqen edhe në platformën online entropy.fondacionijeshil.org për audiencën e gjerë gjatë shtatë ditëve të festivalit. Gjatë këtyre ditëve sa do të zgjasë festivali do të ketë edhe panele diskutimi në të cilat do të elaborohet tema e festivalit më gjerësisht si në kontekstin global ashtu edhe në atë vendor.
Festivali ENTROPY organizohet në kuadër të nismës “Let’s Talk About Food Waste” e cila synon të iniciojë një dialog publik të udhëhequr nga komuniteti dhe palët e tjera të interesit në Kosovë mbi ndikimet socio-ekonomike, politike dhe mjedisore të Mbeturinave Ushqimore dhe pilotimin e zgjidhjeve inovative për këtë problem. Nisma “Let’s Talk About Food Waste” zbatohet nga Fondacioni Jeshil në kuadër të konzorciumit të projektit HumanRightivism i cili mbështetet nga Qeveria Suedeze dhe menaxhohet nga Community Development Fund. Gjithashtu, kjo nismë mbështetet nga “Programi i Shoqërisë Civile për Shqipërinë dhe Kosovën”, financuar nga Ministria e Punëve të Jashtme të Norvegjisë dhe menaxhuar nga Fondacioni Kosovar për Shoqëri Civile (KCSF) në partneritet me Partnerët Shqipëri për Ndryshim dhe Zhvillim (PA).
