Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përderisa shumica dërrmuese e gazetarëve, medieve të shkruara dhe elektronike përpiqen ta flasin e ta shkruajnë gjuhën shqipe në pajtim me rregullat e drejtshkrimit, ka edhe të atillë që nuk e përfillin normën letrare dhe shkruajnë ashtu sikur iu teket, duke u mbështetur mbi parimin e “së drejtës së lirisë së shprehjes” dhe kjo sipas tyre nënkupton edhe mënyrën e shkrimit dialektor, krahinor, gegërisht, kosovarçe, shkodrançe, secilit sikur i teket.
Po të kishte ligj për gjuhën, në Kosovë, keqpërdorimi apo injorimi i normës letrare të do të dënohej sikur ndodh në vendet e botës, ku sundon ligji dhe përfillet nga të gjithë, sidomos nga drejtuesit e medieve, arsimit, kulturës, etj.
Në mungesë të këtij ligj edhe shpërfillet drejtshkrimi, sikur bën zëvendës-drejtori i RTK-së, Mentor Shala, në një reagim drejtuar, udhëheqësit të një emisioni të debatit në RTK, Ridvan Berisha.
Ridvan, jeni ba si partite politike, sa here dojne me i mbulu deshtimet e tyne e sulmojne RTK-në. Njerezit ju shohin aq sa jeni atraktiv e para dhe e dyta RTK nuk spozoron emisione ne fcb. Se shpejti do t’ua prezantoje statistikat e shikueshmerise se emisioneve te RTK-se ne mediat online (youtube, fcb) ne detaje per vitin 2020. Dhe pastaj ju duheni me reflektu, me i pa defektet e juaja dhe me i permiresu! Bile ti Ridvan nuk ish desht me reagu ne kete menyre sepse e din me mire se shumica aty kete forme te reagimit”, iu është kundërpërgjigjur Shala. (Lajmi.net, 8. 2. 2021)
Mentor Shala, injoron shkronjën “ë” të Alfabetit të Gjuhës Shqipe.
Përdor paskajoren e gegërishtes.
Shkruan gabimisht fjalën, spozor në vend “sponsor”.
Përdor gabimisht lidhoren në vetën e parë njëjës.
Në shkrimin me gjashtë rreshta bën 11 gabime drejtshkrimore, pa i llogaritur gabimet në mospërdorimin e shkronjës “ë” .
A është i obliguar ky udhëheqës i RTK-së të kërkojë nga gazetarët ta përfillin normën letrare të gjuhës shqipe, apo si zëvendës-drejtor merret me punë të tjera dhe nuk i intereson fare gjuha me të cilën komunikon. ( RKL)
