Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryekuvendari dhe ish- zëdhënësi i UÇK-së, Jakup Krasniqi i ka reaguar prokurorit, Smith gjatë konferencës së sotme në Hagë. Ai ka reaguar duke i thënë prokurorit Smith që të mos flas në emër të popullit të Kosovës. Unë dhe të tjerët këtu dhe mund të flasim në emër të popullit. Jakup Krasniq ka treguar se është angazhuar 45 vite për lirinë dhe çlirimin nga robëria. Në zgjedhjet e vitit 1992, kam qenë i zgjedhur deputet në Kuvendin e Kosovës që regjimi kriminel i Serbisë nuk i kanë lejuar që të konstituohet. Pas luftës çlirimtare kam qenë në të gjitha legjislaturat, deri në atë të vitit 2014, përfaqësues i qytetarëve të Kosovës dhe e kisha lutur prokurorin nëse ai duhet të flasë në emër të dikujt, ose duhet të flet në emër të krimeve të pretenduara, ai le të bëhet mbrojtës i politikave të krimit dhe gjenocidit që regjimi i Serbisë ka përdorur gjatë kombit tim nga viti 1876- 1878 të shekullit 19, prandaj në emër të popullit tim, kombit tim, në emër të luftës dhe sakrificave të mëdha të kombit tim, flasim ne përfaqësuesit e tij dhe jo ata që tentojnë ta dënojnë luftën shumë vjeçare të kombit tim e në mënyrë të veçantë luftën e fundit të popullit tim për liri, drejtësi, barazi dhe shtetndërtim, për çka kombi ynë dhe ne vet e kemi fituar mbështetjen ndërkombëtare, e kemi çliruar Kosovën, që sot është shtet i pavarur dhe i çliruar nga ai regjim”, ka thënë Krasniqi.
