Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritetet greke vazhdojmë ta akuzojnë Turqinë për sfida të reja mbi detin Egje nga forcat ajrore. Vetëm disa orë pas kërcënimeve të reja të kryetarit të Turqisë, Rexhep Tajip Erdogan se ajo do të jetë vazhdimisht e pranishme në “detin e ishujve” siç ai e quajti Egjeun dhe Mesdheun Lindor, Athina zyrtare numëron shkeljet e hapësirave ajrore, të cilat deri tani kanë arritur në 30. Mediat në Greqi theksojnë se avionët grekë po qëndrojnë në gatishmëri. “Dy avionë turq “F-16” dhe dy “ATR 72” fluturuan sot mbi Egjeun Verilindor, Qendror dhe Juglindor. Avionët turq u identifikuan dhe u përgjuan në përputhje me rregullat ndërkombëtare, sipas praktikës së vendosur. Mosmarrëveshjet janë rikthyer mes dy vendeve pasi Ankaraja nxori në lundrim anijen kërkimore “Çeshme” e cila u largua sot nga Egjeu, por që në ditët në vijim Turqia pritet që të nisë një stërvitje të madhe ushtarake për t’i treguar forcën Greqisë, në prag të manovrave të disa shteteve të Evropës dhe të Amerikës, në stërvitjen e paralajmëruar në Detin Mesdhe dhe Egje, të koduar si “Mbrojtja e Evropës 2021”.
