Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pagesat për kontribut në mësimdhënie gjatë viteve 1990-1999 do t’i marrin ata mësimdhënës që në vend të pensionit të plotë kanë marrë atë të pleqërisë, si pasojë e mosarritjes së kushtit që deri më 1 janar 1990 të kenë 15 vjet përvojë pune. Prej këtij vendimi qeveritar të gjithë punëtorët në arsim do të jenë të barabartë dhe pensioni i tyre do të fillojë nga baza 150 euro. Sindikata e Bashkuar e Arsimit, Shkencës dhe Kulturës llogarit se këtë të drejtë do ta fitojnë aktualisht 350 mësimdhënës që deri tash morën pension prej 75 eurove, dhe jo 150 euro, si pension i plotë. Formulari për aplikim është shpërndarë nëpër DKA-të ku po merret dhe po plotësohet nga mësimdhënësit e dëmtuar. Sipas vendimit mësimdhënësi që ka punuar 8 vjet, dikush 2 vjet, dikush 3 vjet, do t’i kalkulohet përvoja e punës e secilit në përvojën totale, dhe nëse arrihen 15 vjet atëherë ai mësimdhënës kalon në pension kontributdhënës dhe e ka bazën 158 euro, pastaj varësisht nga kualifikimi shkollor që mund të ketë, vazhdon edhe përshkallëzimi.
