Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Skenderajt, Bekim Jashari bashkë me shoqatat e dala nga lufta e UÇK-së, drejtorë komunal, asamblistë e qytetarë, ka homazhe tek pllaka përkujtimore e dëshmorëve e martirëve të rënë 22 vite me parë, në lagjet 1 dhe 2 të Skenderajt. “Atë kohë pas tërheqjes së vëzhguesve ndërkombëtarë të misionit të OSBE-së, me 20 mars 1999 kriminelet serb të veshur me rroba të bardha e maska të zeza kishin filluar në Skenderaj plaçkitjet e maltretimet e qytetarëve duke i ndarë me pas edhe burrat nga gratë, të cilët i kishin dërguar tek pishat dhe atje i kishin ekzekutuar, disa prej tyre i kishin vrarë në shtëpi, e disa qytetarë duke përfshirë edhe të lagjes 3, i kishin arrestuar. Rënia e tyre në altarin e Lirisë është dëshmi e gjenocidit që ka bërë shteti serb në Kosovë”, ka shkruar Jashari.
