Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kancelarja gjermane, Angela Merkel ka bërë të ditur se Qeveria ka dhënë miratimin për një hetim zyrtar, kriminal kundër një komediani që ka fyer kryetarin e Turqisë, Rexhep Tajip Erdogan. I ftuar në një emision televiziv, Jan Boehmermann, përballet me një hetim paraprak sepse kishte fyer Erdoganin duke recituar një poezi në të cilën akuzonte liderin për veprime të pamoralshme. Një ankesë për shpifje që është plotësuar në mënyrë të pavarur nga Erdogani, hetimi, i cili bazohet në shkeljen e mundshme të ligjit që dënon fyerjet ndaj krerëve të shteteve të tjera, kërkon autorizimin e qeverisë gjermane. Shumë gjermanë e shohin poezinë e Boehmermann pa shije dhe Merkel vetë e quajti si ”një ofendim të qëllimshëm”, madje kjo çështje ka hapur një debat të ashpër mbi limitet e fjalës së lirë në Gjermani dhe nëse ligji në fjalë duhet të hiqet. Kjo ka ngritur gjithashtu pikëpyetje mbi marrëveshjen e BE-së për të kthyer emigrantët nga Greqia në Turqi, duke i bërë kritikët të thonë se liderët evropianë ndihen në borxh ndaj Erdoganit në përpjekjet e tyre të dëshpëruara për t’i dhënë fund krizës së refugjatëve.
