leoni

Interesim i madh në mesin e fermerëve ferizajas për mbjellje të serrave

15/04/2016 Institucionet

Produkte bujqësore thuhet se prodhohen mjaft por nuk ka treg e çmim të sigurt për to.

14 serra të reja të financuara nga komuna dhe fermerë nga fshatra të ndryshme po ndërtohen edhe këtë pranverë në rajonin e Ferizajt. Interesimi për to thuhet se është shumë i madh sepse ato tashmë janë bërë burim ekzistence për shumë familje pa të ardhura të tjera.

Por problemet me tregun thuhet se shpesh edhe i dëmtojnë fermerët andaj kërkohet një fuqizim dhe promovim i produkteve vendore bujqësore.

Fatmir e Havushe Hetemi nga fshati Komogllavë i Ferizajt janë në përfundim të përgatitjeve për mbjelljet e radhës në serrën afër shtëpisë së tyre.

Kërkuan shumë mundësi të tjera ekzistence por nuk ia dolën prandaj vitin e kaluar vendosën që të kërkojnë ndihmë edhe në komunë dhe e bënë serrën afër shtëpisë së tyre. Thonë të jenë të kënaqur me punën që po bëjnë por me tregun tregojnë se kanë telashe ndërsa shpesh dëmtohen në çmimin e shitjes.

Me veprimtarinë e serrave ka filluar të merret edhe familja Abedini në fshatin Komogllavë,  por përveç punësimit ata thonë se kanë pasur dëshirë që të sjellin në Kosovë edhe varietete të rralla të produkteve bujqësore nga Zvicra ku njëri nga anëtarët e familjes ka punuar një kohë të gjatë.

Ndërkaq në komunën e Ferizaj pohojnë se nga interesimi i madh që kanë shfaqur banorë të lokaliteteve të ndryshme edhe sivjet janë ndarë 70 mijë euro për ndërtimin edhe të 14 serrave. Thuhet se nevojat e tregut lokal nuk plotësohen as me këto serra ngase  ka nevojë çdo ditë e më shumë për produkte  vendore të cilat do ta dominonin tregun.

“Tash bëhet trapimi i fidaneve, kështu që sivjet pesë prej këtyre përfitueseve do të fillojnë me trapimin e domates ose specave. Kujtoj se të gjithë këta fermerë do t’i shfrytëzojnë maksimalisht këto serra”, tha drejtori i bujqësisë Xhemajl Reqica.

Veç të mirave të tjera për kultivimin e produkteve bujqësore në serrat e reja të vendosura thuhet se do të mund të gjejnë punë edhe një numër simbolik i grave apo të rinjve në këto familje. Në bazë të përvojave të mëhershme thuhet se të paktën nga dy persona kanë gjetur punë dhe kanë siguruar të ardhura nga shitja e produkteve të mbjella në serra gjatë tërë vitit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara