Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
JEHONA E KËNGËS SË NDALUAR
Vatra e rezistencës në shtëpinë time,
Qendrës e rrugëve pa dritë përgjime!
Takimi me grupin ilegal të Dardanës,
Jehoi fort kënga e ndaluar e Tiranës!
Njëri nga mysafirët s’ këndoi me ne,
Dyshuam pak, Emin Krasniqi bëri be!
Isa nuk këndon, as nuk na tradhton,
Rrugës së Kosovës Qenë, si gjithmonë!
I burgosën: Njaziun, Sadullahun e Refikun,
Në heshtjen e mysafirit e pamë rrezikun!
Bujanoc
ZOGJTË E RINJ PROTESTOJNË
Zogjtë e rinj protestojnë prore,
Dëshirojnë të fluturojnë më larg!
Drejtohen me shenjat qiellore,
Unë dorën e bëj strehë në prag!
Ah! Kjo hapësirë e tokës sime,
Nëpër shekuj u ngushtua shumë!
Më zihet shpesh fryma në agime
Duke shëtitur bregut mbi lumë!
Vijat e kufijve mes shteteve të rinj
Ende me roje të armatosura janë!
Lëvizin gjithnjë si gjarpërinj të zinj,
Evropa nuk shtrihet në Ballkan!
Kurrë s’ përfundoi loja me hartat,
Gërshërët në biseda në tavolinë!
Në kohë paqe shqetësohen vatrat,
Netët pa gjumë të gjata në Prishtinë!
ATDHEU NË PAZAR
Krismat e forta të Avni Rrustemit
Atë ditë Jehuan gjatë në Paris!
Në kulmin e madh të pezmit
E rrëzoi për tokë një pis!…
Turp i turpit: Atdheun në pazar,
Për ta marrë ndonjë dekoratë!
Apo më së shumti një qese ar,
U end shteteve poshtë e lart!
HELMI I GJARPRIT
Buzë liqenit të përgjumurit të Badocit në Prishtinë
Durimin në këmbë e pickoi tinëz gjuhë e gjarprit!
Kur e ktheu kokën zvarraniku kishte pulla në shpinë
Dhe nuk bërtiti në atë copë gurishtë të shpatit!
Thanë u helmua i durueshmi: Të presim deri nesër!
Durimi ishte shumë vite në burgjet e rënda jugosllave!
Pas burgut nuk e lejonte të punonte pushteti i egër,
Juristi punoi në pronën e tij të vogël, maleve e arave!
Ai gjithë jetën e kishte pirë helmin e zi nga pak,
Nga njerëzit e tij që frikësoheshin në rrethin e zi!
Dhe tani është një burrë i lodhur, jo aq plak,
Pushon duke lexuar romane të luftës në shtëpi!
Djali, në Luftën Çlirimtare të Kosovës, mori gradë të lartë,
Si i ati Fitimi ishte i gatshëm të hidhej në flakë e prush!
Atdheun duhet ta duash me fuqinë e zemrës së zjarrtë
Fjalë pas fjale pa ta mbushur ngadalë kokën askush!
FLAMURI I FITORES
Ferrin tokësor e provuam në robëri,
Njeriun e ç’ nderon fare nënshtrimi!
Çdo gjë e mësuam nga Nëna Shqipëri,
Etjen ta shuajmë në Gurrë frymëzimi!
Disa Trima vdiqën nga plumbi i zi,
Disa u kalbën në burgje jashtë Kosovës,
Disa natën e morën botën në sy
Dhe s’ u tretën në vendet e botës!
Lumi i madh i gjakut nën qiellin e ri
E ngriti Flamurin e fitores me jehonë!
Në shtëpitë – pallate jetojmë në liri
Me njerëzit e gjakut në Kosovën tonë!
