Ka nisur aksioni tre javor i pastrimit

01/04/2021 Institucionet

Në kuadër të muajit prill, që si zakonisht nga qeveria komunale e Vitisë, shpallet si muaj i pastrimit, autoritetet komunale, respektivisht Drejtoria e Urbanizmit, Planifikimit dhe Mjedisit, ka zhvilluar një aksion të pastrimit, që ka nisur në shëtitoren Viti-Binqë. Kryetari i komunës së Vitisë Sokol Haliti, duke e shpall të hapur aksionin tre javor të pastrimit, ka theksuar se Institucionet komunale vazhdojnë të jenë të përkushtuara për një ambient të pastër dhe ky aksion do të jetë vazhdimësi e aksioneve tjera. “Deri më 22 Prill, në komunën e Vitisë do të zhvillohen aksione të pastrimit në të gjitha lokalitetet. Falënderoj gjithë mekanizmat që janë të përfshirë në projektin e aksionit “Pastro dhe ruaje”, ka thënë kryetari Haliti. Ndërsa drejtori i Drejtorisë për Urbanizëm, Planifikim dhe Mjedis, Ajet Sallahu, ka bërë të ditur se aktivitetet e pastrimit, do të vazhdojnë nga sot e deri më 22 prill në të gjitha lokalitetet, me pastrimin e hapësirave gjelbëruese, trotuareve e rrugëve, si dhe në shkollat e këtyre lokaliteteve. Pjesë e këtij aksioni të pastrimit, janë të gjitha drejtoritë komunale, KFOR-i amerikan, punëtorët e pastrimit, këshillat e fshatrave, përfaqësues të shoqatave e organizatave, policia, FSK, Kompania e pastrimit “Eco Higjiena” etj.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara