Në Han të Elezit Përkujtohet Pranvera Shqiptare 81

07/04/2021 Institucionet

Në hapësirat e Shkollës Fillore të Mesme të Ulët “Ilaz Thaqi” në Han të Elezit, u mbajt një Akademi përkujtimore me rastin e 40 vjetorit të demonstratave të vitit 1981. Në këtë Akademi, krahas pjesëmarrësve të tjerë, të pranishëm ishin Hydajet Hyseni nga Shoqata e të Burgosurve politik në Prishtinë dhe kryetari i shoqërisë “ Levizja “ Xhevat Bislimi e Bejtullah Tahiri. Pas intonimit të himnit kombëtar nga kori i nxënësve dhe këngëve korale, me fjalë rasti u paraqit Shaban Qupi, kryetar i degës së shoqatës së të burgosurve në Han të Elezit. Në emër të komunës një fjalë përshëndetëse kishte kryetari i komunës Rufki Suma, ndërsa nga Prishtina një fjalë qendrore për rendësin e atyre demonstratave foli Hydajet Hyseni. Shkrimtari Fadil Curri u paraqit me një poezi, me motiv nga viti 1982, ndërsa me një valle instrumentale u prezantuan anëtarët e SHKA “SHARRI” Muharrem Rogaqi e Alban Laqi. Me një këngë për dëshmorin Gafurr Loku u paraqit Nesim Curri, e më pas të pranishmit vizituan dhe bënë homazhe para Lapidarit të Dëshmorëve dhe Martirëve të Hanit të Elezit të rënë për liri. Emërues i të gjitha fjalimeve ishte se demonstratat e vitit 1981 ishin një ngjarje e madhe kombëtare dhe për atë qe ishin të tilla ata edhe u shtypen nga pushtuesi me dhunë. Kurorëzimi i të gjitha sakrificave ishte Lufta e UÇK-s e cila me ndihmën edhe të faktorëve ndërkombëtar, u fitua liria dhe shteti i Kosovës. Në organizim të këtij aktiviteti merrnin pjesë shoqatat e dala nga lufta, shoqata e të burgosurve dhe përfaqësues të institucioneve komunale.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara