Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi I lartë i Bashkimit Evropian, Josef Borrell i ka kërkuar kryeministrit, Albin Kurti vazhdimin sa më të shpejt të dialogut Kosovë-Serbi. Në letrën e urimit për psotin e kryeministrit, ai ka shkruar se pret të takohet me të sa më shpejt në mënyrë që të vazhdojë dialogu për t’u arritur një marrëveshje me Beogradin dhe iu ka përkujtuar se Bashkimi Evropian ka qëndruar pranë Kosovës dhe popullit të saj në luftën kundër koronavirusit. “Ne gjithashtu duam ta shohim Kosovën teksa përparon në rrugën e saj evropiane. Do të nevojiten përpjekje të vendosura për reforma, për të forcuar sundimin e ligjit në Kosovë dhe për të promovuar zhvillimin socio-ekonomik. Bashkimi Evropian është i gatshëm t’ju mbështes në këtë drejtim. Unë kam dëshirë që t’ju pres për takimin e ardhshëm të nivelit të lartë të dialogut sa më shpejtë të jetë e mundur dhe qëndroj fort i vendosur për të ndihmuar të dy palët të arrijnë një marrëveshje gjithëpërfshirëse”, ka shkruar në mes tjerash përfaqësuesi i lartë i Bashkimit Evropian, Josef Borrell në letrën uruese dërguar kryeministrit, Albin Kurti.
