Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Infektologu, Hamdi Ramadani ka kërkuar që administrimi i mbetjeve nga vaksinimi duhet të trajtohet në mënyrë profesionale sepse ekziston mundësia e përhapjes së coronavirusit nga këto mbetje. Ai ka thënë se shiringat, shishet e qelqit dhe gjëra tjera duhet të eliminohen menjëherë sepse shiringat mund të jenë të kontaminuara, të rrezikshme për qytetarët dhe ambientin. Përkundër faktit që COVID-19 bartet në mënyrë ajrore, por edhe në shiringa virusi mund të qëndrojë për një kohë të caktuar dhe kontakti me to krijon mundësinë e përhapjes së virusit. Shefi i sektorit të shërbimeve teknike në Qendrën Klinike Universitare të Kosovës, Mehdi Krasniqi ka thënë se se të gjitha mbetjet medicinale, trajtohen në impiantin për trajtimin e mbetjeve medicinale, impiant ky që ekziston në kuadër të QKUK-së. Menaxhimi i mbeturinave nga vaksinimi kundër sëmundjes COVID-19, është i rregulluar në bazë të Planit shtetëror të vaksinimit kundër COVID-19. Nga përqindja e përgjithshme e mbeturinave, nga 10-15 për qind, thuhet se janë mbetje infektive, që kërkojnë vëmendje të veçantë për riciklimin ose asgjësimin përfundimtar të tyre.
