Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Grupi punues për hartimin e koncept-dokumentit për procesin e vetingut të enjten mbajti takimin e parë e i cili do të ketë afat katër muaj për ta përfunduar këtë dokument. Ministria e Drejtësisë, po edhe njohës të fushës së sistemit të drejtësisë, thonë se janë të mjaftueshëm katër muaj për të përfunduar një koncept-dokument që do të adresonte vetingun. Ministrja e Drejtësisë, Albuena Haxhiu, thekson se grupi punues i themeluar nga ajo do të ketë afat deri në katër muaj për të hartuar koncept-dokumentin për veting. Ajo shprehet se grupi punues mund të përfundojë punën edhe më herët, por që deklaron se qëllimisht kanë lënë më shumë kohë që anëtarët e grupit të mos ndjehen nën presion. Pavarësisht sfidave që mund të kenë gjatë rrugës, Haxhiu shprehet optimiste se vetingu në sistemin e drejtësisë do të përmbyllet gjatë këtij mandati qeverisës.
